ორი ამერიკული ხომალდი Roosevelt -ი და Donald Cook-ი ბოსფორის სრუტის გავლით შავ ზღვაში 14-15 აპრილს შემოვა. სააგენტო ანადოლუ-ს ინფორმაციით, ვაშინგტონმა ანკარას ამის შესახებ უკვე აცნობა.

 მოგვიანებით, თურქეთის საგარეო საქმეთა სამინისტრომ დაადასტურა, რომ ორი ხომალდი შავ ზღვაში მორიგეობით 14 და 15 აპრილს შემოვა, 4 და 5 მაისს კი უკან გაბრუნდება.

მანამდე ტელეკომპანია CNN-ი იტყობინებოდა, რომ შეერთებული შტატები, უკრაინის საზღვარზე რუსული სამხედრო აქტივობის ზრდის ფონზე, უკრაინის მხარდაჭერის დემონსტრირებისთვის, შავ ზღვაში სამხედრო გემების გაგზავნას განიხილავდა.

1936 წლის მონტრეს კონვენციის თანახმად, შეერთებული შტატები ვალდებულია, ორი კვირით ადრე, აცნობოს თურქეთს, რომ ბოსფორისა და დარდანელის სრუტეების გავლით, შავ ზღვაში სამხედრო ხომალდების შეყვანას გეგმავს.