დიდი ბრიტანეთის პრემიერ მინისტრი ბორის ჯონსონი პრინც ფილიპის დაკრძალვას არ დაესწრება. ინფორმაციას დაუნინგ-სტრიტის წარმომადგენელი ავრცელებს.

ედინბურგის ჰერცოგის პანაშვიდი და დაკრალვა 17 აპრილს უინძორის სასახლეში, წმინდა გიორგის სამლოცველოში გაიმართება.

გამოსამშვიდობებელი ცერემონია ჩაივლის ოჯახის ნათესავების ვიწრო გარემოცვაში, 30 ადამიანის მონაწილეობით, რაც კორნავირუსის პანდემიით არის გამოწვეული. დაკრძალვის ცერემონია სამხედრო სტილში გაიმართება, ისე როგორც თავად პრინც ფილიპს სურდა.

„პრემიერ მინისტრს სურს იმოქმედოს ისე, როგორც ეს უკეთესი იქნება სამეფო ოჯახისთვის და ამიტომ შაბათს არ დაესწრება დაკრძალვას, რათა ამის შესაძლებლობა მიეცეს ოჯახის უფრო მეტ წევრს“, - ნათქვამია ბრიტანეთის მთავრობის წარმომადგენლის განცხადებაში.  

დიდი ბრიტანეთის დედოფლის ელისაბედ მეორის მეუღლე პრინცი ფილიპი 99 წლის ასაკში, 9 აპრილს გარდაიცვალა.