პოლიციამ გუმათჰესთან, სადაც ნამახვანჰესის მოწინააღდმეგე აქტივისტები გადაადგილების უფლების მოთხოვნით რამდენიმე დღეა აქციებს მართავენ, რკინის ბარიერი აღმართა. ადგილზე მობილიზებულია წყლის ჭავლის მანქანები და სპეცრაზმი.

პოლიციამ აქციის მონაწილეებს აგრესიის შეწყვეტისკენ მოუწოდა, წინააღმდეგ შემთხვევაში, მათ თქმით, გამოყენებული იქნება პროპორციული ძალა.

ცოტა ხნის წინ ადგილზე ვითარება დაძაბული იყო, რაც პოლიციის მხრიდან რკინის ბარიკადების აღმართვამ და ხეობის ორად გაყოფამ გამოიწვია.

სამი ადამიანი დააკავეს და წინასწარი დაკავების იზოლატორში გადაიყვანეს.

"ნამახვანჰესის" მოწინააღმდეგეებმა გასული ღამე "გუმათჰესთან" კარვებში გაათენეს. აქციის მონაწილეებმა ტერიტორიაზე "ენკას" ბაზიდან გვიან ღამით გადაინაცვლეს, რასაც წინ დაპირისპირება უძღოდა. ხმაური მას შემდეგ დაიწყო, რაც "ენკას" კუთვნილი ავტომობილები გამოჩნდნენ. შეკრებილებმა მანქანებს გადაადგილების საშუალება არ მისცეს. პროტესტის მონაწილეები "გუმათჰესთან" აღმართული ბლოკპოსტის მოხნას და ნამოხვანისკენ გადაადგილების საშუალებას ითხოვდნენ.