უკრაინის ხელისუფლება კიევში რუსეთის საელჩოს უფროს დიპლომატს გააძევებს. ამის შესახებ განცხადებას უკრაინის საგარეო საქმეთა სამინისტრო ავრცელებს. კიევმა შესაბამისი გადაწყვეტილება სანქტ პეტერბურგში უკრაინის კონსულის გაძევების საპასუხოდ მიიღო.

საგარეო უწყების განცხადებით, რუს დიპლომატს 72 საათი მიეცა, რათა დატოვოს უკრაინის ტერიტორია.

შეგახსენებთ,გუშინ, რუსეთის სპეცსამსახურებმა სანქტ პეტერბურგში უკრაინის კონსული, ალექსანდრ სოსონიუკი დააკავეს და ბრალად დიპლომატის სტატუსთან შეუსაბამო საქმიანობა, დაფარული ინფორმაციის მიღება დასდეს. მოგვიანებით, რუსეთის საგარეო საქმეთა სამინისტრომ გამოაცხადა, რომ სოსონიუკმა უნდა დატოვოს რუსეთის ტერიტორია 72 საათში

კიევმა დაგმო უკრაინელი დიპლომატის დაკავება და განაცხადა, რომ ამგვარი ქმედებები არღვევს ვენის 1961 წლის კონვენციას დიპლომატიური ურთიერთობების შესახებ და ვენის 1963 წლის კონვენციას საკონსულო ურთიერთობების.