რუსეთის საგარეო საქმეთა სამინისტრომ პოლონეთის საელჩოს სამი თანამშრომელი პერსონა ნონ გრატად გამოაცხადა და 15 მაისამდე ქვეყნის დატოვება მოსთხოვა.

პოლონეთის ელჩი მოსკოვში კშიშტოფ კრაევსკი 23 აპრილს რუსეთის საგარეო უწყებაში დაიბარეს და პროტესტი გამოთქვეს პოლონეთიდან რუსეთის საელჩოს სამი თანამშროლის გაძევების გამო. უწყებაში პოლონელ დიპლომატს უთხრეს, რომ უსაფუძვლოდ მიაჩნიათ პოლონეთის მიერ აშშ-სთვის სოლიდარობის გამოცხადება მოსკოვის მხრიდან შეერთებული შტატების ტერიტორიაზე განხორციელებული კიბერშეტევების გამო.

პოლონეთში რუსეთის საელჩოს სამი თანამშრომელი პერსონა ნონ გრატად აღიარეს. პოლონეთის საგარეო საქმეთა სამინისტროში განაცხადეს, რომ ამ გადაწყვეტილებას საფუძველად უდევს აღნიშნული პირების მიერ დიპლომატიური სტატუსის პირობების დარღვევა და ისეთი ქმედებები, რომლებმაც ზიანი მიაყენეს პოლონეთის რესპუბლიკას.