პრინცმა ჰარიმ მორიგ საჯარო გამოსვლაში განმარტა, რატომ წაიყვანა ცოლი და შვილი კალიფორნიაში და თქვა, რომ სურდა „გაერღვია ტკივილისა და ტანჯვის მძლავრი წრე“, რომლიც თან სდევდა მის ბავშვობას. სურდა, რომ მის შვილებს იგივე არ გამოეცადათ.

სასექსის ჰერცოგს უკვე ჰყავს ვაჟი არჩი და ახლა ის და მეგანი ქალიშვილის დაბადებას ელოდებიან. ამასთან, თავის ბავშვობაზე საუბრისას თქვა, რომ „არ სურს ვინმეზე თითის გაშვერა“.

„ვფიქრობ, რომ არ ღირს ვინმეზე თითის გაშვერა, მაგრამ როდესაც საუბარია მშობლების როლზე, ამა თუ იმ ფორმით განვიცდიდი ტკივილსა და ტანჯვას, იმიტომ, რომ ასეთ ტკივილსა და ტანჯვას, შესაძლოა განიცდიდა მამაჩემი ან ორივე მშობელი. მე მინდა გავწყვიტო ეს მძლავრი წრე, რათა არ გადავცე ის მემკვიდრეობით, ეს ტანჯვა გენეტიკურ დონეზეა და გადაეცემა მემკვიდრეობით. ამიტომ, ჩვენ, როგორც მშობლები, უნდა ვეცადოთ გავაკეთოთ ყველაფერი და ვთქვათ: იცით, ეს მე შემემთხვა და არ მინდა, რომ ისტორია ჩემ შვილებთანაც განმეორდეს,  - თქვა მან ამერიკულ პოდკასტ Armchair Expert-ში საუბრისას.

 ჰარის თქმით, ამერიკაში მისი ოჯახის გადასვლა წინასწარ დაგეგმილი არ იყო, უბრალოდ „ხანდახან უნდა მიიღო გადაწყვეტილება და უპირველეს ყოვლისა იფიქრო ოჯახზე და საკუთარ ფსიქიკურ ჯანმრთელობაზე“, - თქვა ჰარიმ.

 „აქ (კალიფრნიაში) შემიძლია თავაწეულმა ვიცხოვრო, თავს სხვანაირად ვგრძნობ, მხრები გავშალე და ისიც (მეგანი) ასეა. აქ თავისუფლად ვართ. შემიძლია არჩი ველოსიპედის საბარგულში დავსვა, ადრე ამაზე ფიქრსაც ვერ შევძლებდი“, - თქვა ჰარიმ თავის კალიფორნიულ ცხოვრებაზე საუბრისას.

 კლარენს-ჰაუსში (ბრიტანეთის სამეფო ოჯახის ვესტმინსტერის რეზიდენცია) უკვე განაცხადეს, რომ პრინცის ამ განცხადებებზე კომენტარს არ გააკეთებენ.