ისრაელის შეიარაღებული ძალების განცხადებით, ღაზას სექტროში მრავალსართულიან შენობას, რომელიც დღეს დაიბომბა, ჰამასი სამხედრო მიზნებისთვის იყენებდა. ისრაელის განცხადებით, ამ შენობაში განლაგებული იყო ტერორისტული ორგანიზაციის სადაზვერვო სამასახურების ცენტრები, მედიასაშუალებების ოფისები კი ცოცხალ ფარად იყო გამოყენებული.

„შენობაში განლაგებული იყო მედიის ოფისები, რომლებსაც ტერორისტები ცოცხალ ფარად იყენებენ. ჰამასის მიერ ღაზას სექტროში, მჭიდროდდასახლებულ სამოქალაქო რაიონებში მიზანმიმართულად არის განთავსებული სამხედრო ობიექტები“, - აცხადებენ ისრაელის თავდაცვის ძალებში.

დღეს ღაზაში ისრაელმა 15-სართულიანი შენობა დაბომბა, სადაც განთავსებული იყო საერთაშორისო მედიის ოფისები.

მანამადე, ისრაელმა გააფრთხილა, რომ უახლოეს საათებში მისი თავდაცვის ძალები დაარტყამდნენ შენობას, სადაც განლაგებულია ტელეარხ Al-Jazeera-ს, სააგენტო Associated Press-სა და სხვა საერთაშორისო მედიასაშუალებების ოფისები.

Al-Jazeera-ს დაAssociated Press-ის ინფორმაციით, გაფრთხილების მიღების შემდეგ თანამშრომლებმა და სახლში მცხოვრებმა მოქალაქეებმა შენობა დაუყოვნებლივ დატოვეს.