შავი ზღვის მიმართულებით გადაადგილდება შეერთებული შტატების სამხედრო-საზღვაო ძალების სატრანსპორტო-სადესანტო ხომალდი USNS Yuma.

აშშ-ის სამხედრო-საზღვაო ძალების მეექვსე ფლოტის ინფორმაციით, ხომალდი შავ ზღვაში ერთობლივ ამერიკულ-უკრაინულ მანევრებში მონაწილეობის მისაღებად შედის.

შეგახსენებთ, შავ ზღვაში აშშ-ის მე-6 ფლოტისა და უკრაინის საზღვაო ძალების ერთობლივი ორგანიზებით, სწავლება Sea Breeze მიმდინარეობს.

სამხედრო მანევრები 28 ივნისს დაიწყო და 10 ივლისის ჩათვლით გაიმართება.

სწავლება საზღვაო, სახმელეთო და საჰაერო კომპონენტებს მოიცავს და მისი მიზანია მონაწილე ქვეყნების სამხედრო-საზღვაო ძალებს შორს ურთიერთქმედების დახვეწა და, რეგიონული საზღვაო უსაფრთხოების უზრუნველსაყოფად, მათი ერთობლივი შესაძლებლობების გაზრდა.

სწავლების ისტორიაში, Sea Breeze 2021 ყველაზე მასშტაბურია. მასში ექვსი კონტინენტის 32 ქვეყნის 5000-მდე პერსონალი, 32 გემი, 40 საჰაერო ხომალდი და სპეციალური ოპერაციებისა და მყვინთავთა 18 ჯგუფი მონაწილეობს.

სამხედრო-საზღვაო წვრთნებში საქართველოც მონაწილეობს.