ადამ კინზინგერი გმობს თბილისში მომხდარ ძალადობას
5-6 ივლისს თბილისში განხორციელებულ თავდასხმებსა და ძალადობას ეხმიანება შეერთებული შტატების კონგრესში საქართველოს მეგობართა ჯგუფის თანათავმჯდომარე, კონგრესმენი ადამ კინზინგერი.
"ამერიკის ხმასთან" გაკეთებულ წერილობით კომენტარში კინზინგერი გმობს მომხდარ ძალადობას.
"კონგრესმენი ძალადობით აღშფოთებულია, რომელიც ახლა სიკვდილით დასრულდა, ის მოუწოდებს ყველა მხარეს შეინარჩუნოს სიმშვიდე. მათ, ვინც დააკავეს, პასუხი უნდა აგონ მათდანაშაულებზე. ის იმედოვნებს სასამართლო იქნება დამოუკიდებელი", - აღნიშნავს კონგრესმენის ოფისი მედიისთვის გაგზავნილ წერილში.
