„თალიბანი“ აცხადებს, რომ ფანჯშირის პროვინციას სრულად აკონტროლებს.

„დაქირავებული მტრების უკანასკნელი დასაყრდენი, ფანჯშირის პროვინცია მთლიანად დავიკავეთ. სრული უსაფრთხოებისათვის გაღებულმა ბოლო ძალისხმევამ ქვეყანაში შედეგი მოიტანა და ფანჯშირის პროვინცია ისლამური საამიროს (თალიბების პოლიტიკური სისტემის თვითდასახელება) სრული კონტროლის ქვეშ გადავიდა“, - ნათქვამია „თალიბანის“ წარმომადგენლის ზაბიულა მუჯაჰიდის Twitter-ზე გამოქვეყნებულ განცხადებაში.

წინააღმდეგობის ფრონტის წარმომადგენლები კი თალიბების განცხადებას უარყოფენ და ამბობენ, რომ ბრძოლას არ შეწყვეტენ.

„წინააღმდეგობის ფრნტის ძალები რჩებიან ხეობაში, ყველა სტრატეგიულ პოზიციაზე. ვარწმუნებთ ავღანელ ხალხს, რომ თალიბებისა და მათი პარტნიორების წინააღმდეგ ბრძოლა გაგრძელდება მანამდე, ვიდრე არ იზეიმებს სამართალი და თავისუფლება“, - ნათქვამია Twitter -ზე გამოქვეყნებულ წინააღმდეგობის ფრონტის განცახდებაში.