ლვოვის ოლქში, იავოროვის რაიონში 20 სექტემბერს უკრაინის, აშშ-ს, ნატოს სხვა წევრებისა და სხვა ქვეყნების ერთობლივი სამხედრო წვრთნები დაიწყო. მანევრები Rapid Trident 2021 ქვეყნის დასავლეთით 1 ოქტომბრამდე გაგრძელდება. წვრთნებში მონაწილეობას მიიღებს 15 ქვეყნის 6 000 ათასამდე ჯარისკაცი. ინფორმაციას უკრაინის თავდაცვის სამინისტრო ავრცელებს.

ორგანიზატორი ქვეყნების - უკრაინისა და აშშ-ის გარდა, წვრთნებში მონაწილეობენ გერმანია, დიდი ბრიტანეთი, საქართველო, იტალია, იორდანია. ლიეტუვა, მოლდოვა, პაკისტანი, პოლონეთი, ბულგარეთი, კანადა, რუმინეთი და თურქეთი.

უკრაინელი გენერალი ვლადისლავ კლოჩკოვი, რომელიც წვრთნებს ხელმღვანელობს, ამბობს, რომ ის უკრაინისთვის მნიშვნელოვანი ნაბიჯია ევროინტეგრაციის გზაზე. „უკრაინელი სამხედროები, რომლებიც მერვე წელია რუსულ აგრესიას აჩერებენ, თავიანთ საერთაშორისო კოლეგებს გაუზიარებენ უნიკალურ სამხედრო გამოცდილებას, რომელიც დონბასის ბრძოლებში შეიძინეს“, - თქვა კლოჩკოვმა.  

უკრაინისა და ნატო-ს ერთობლივი წვრთნები ბელარუსში რუსეთისა და ბელარუსის მსხვილმასშტაბიანი სამხედრო მანევრების „დასავლეთი - 2021“-დან ერთი კვირის შემდეგ დაიწყო. აღნიშნულმა წვრთნებმა ნატო-ს წევრ ქვეყნებში შეშფოთება გამოიწვია.