ყოფილი პრემიერი გიორგი გახარია აკრიტიკებს ნიკა მელიასა და ირაკლი კობახიძეს დღევანდელი ინციდენტის გამო და მათ დაპირისპირებას „ცირკს“ უწოდებს.

"ერთმა უპასუხისმგებლო პოლიტიკოსმა პროვოკაციაზე წამოაგო მეორე უპასუხისმგებლო პოლიტიკოსი, რომელიც ვერც კი მიხვდა, რომ თმენის ვალდებულება აქვს. თმენის ვალდებულება აქვს ქვეყნის წინაშე, რომ ამ პროვოკაციაზე არ წამოგებულიყო და მივიღეთ ის ცირკი, რაც მივიღეთ", – განაცხადა გიორგი გახარიამ ტვ პირველის გადაცემა "რეაქციაში".

მისი თქმით,  ამ ორი უმსხვილესი პარტიის ლიდერების მარტო დატოვება არ შეიძლება.

 "აი, იმ ცირკის შემდგომ, რასაც ჩვენ დღეს ვუყურეთ, შეუძლებელია თითოეულმა პასუხისმგებლიანმა ამ ქვეყნის მოქალაქემ თავისი გადმოსახედიდან, თავის გარშემო მაინც არ მოუწოდოს ჩვენს მოქალაქეებს, რომ  2 ოქტომბერს მოვიდნენ არჩევნებზე, და რატომ? იმიტომ, რომ აი, ამ ბატონების მარტო დატოვება არ შეიძლება. ეს არის ქვეყანაში, ორი უმსხვილესი პოლიტიკური პარტიის, როგორც თვითონ აცხადებენ, ლიდერები. მეორე, იმიტომ, რომ ეს უკუსვლა უნდა დასრულდეს. ეს წარსულში დაბრუნება, რასაც ყოველდიურად დემონსტრაციას ახდენს "ოცნება", - თქვა გახარიამ.

დღეს, 23 სექტემბერს ევროკავშირის წარმომადგენლობის ოფისთან მელია და კობახიძე ერთმანეთს სიტყვიერად დაუპირისპირდნენ.  მელიამ კობახიძეს "ივანიშვილის მონა, უნამუსო" უწოდა, კობახიძემ კი მელიას - "ნაბიჭვარი"