საფრანგეთის პრეზიდენტი ემანუელ მაკრონი და მისი მეუღლე ბრიჯიტი ფოტორეპორტიორ ტიბო დალიფარის მათი პირადი ცხოვრების ხელყოფაში ადანაშაულებენ  და სასამართლოში უჩივიან. იუწყება რადიო Europe 1.

დალიფარის 28 სექტემბერს დაკითხავენ წინასწარი გამოძიების ფარგლებში, რომელიც პარიზის პროკურატურამ პირადი ცხოვრების ხელყოფის ბრალდებით აღძრა.

რადიო Europe 1-ის ინფორმაციით, ფოტორეპორტიორს ორი კვირის განმავლობაში გამოფენილი ჰქონდა  დასასვენებლად მყოფი საფრანგეთის პრეზიდენტების ფოტოები ელისეის სასახლის პირდაპირ.

გამოფენილი იყო მაკრონის ფოტოები, სადაც საფრანგეთის პრეზიდენტი აღბეჭდილია ჰიდროციკლზე, საცურაო კოსტიუმით. ფოტოგამოფენაზე ასევე იყო ექს-პრეზიდენტების ფრანსუა ოლანდის, ჟაკ შირაკის, ასევე ნიკოლა სარკოზისა და მისი ცოლის კარლა ბრუნის ფოტოები. მაკრონები ფოტოგამოფენას ყოველ ჯერზე, სასახლიდან გასვლის შემდეგ ორი კვირის განმავლობაში ხედავდნენ.

ემანუელ მაკრონმა ჯერ კიდევ 2017 წელს უჩივლა დალიფარის, მარსელში წყვილის რეზიდენციაში შეჭრის გამო. თუმცა შემდეგ ეს საჩივარი უკან გაიტანა.