ეს არის ისტორიული დღე, დღეს ჩვენ ვწერთ ისტორიას, დღეს ვიგებთ თბილისს, პირველად ისტორიაში კოალიციური გუნდი იმარჯვებს თბილისში და არა მხოლოდ თბილისში, -  განაცხადა ნაციონალური მოძრაობის თავმჯდომარემ და თბილისის მერობის კანდიდატმა, ნიკა მელიამ.

მან მოქალაქეებს აქტიურობისაკენ, რჩევნებზე მისვილსა და შემდეგ ხმების დაცვისკენ მოუწოდა.

"მინდა, ყველა თბილისელს მოვუწოდო, არ გაკადრებდით, არ ვიკადრებდი, რომ არ მქონდეს კონკრეტული ინფორმაცია - ძვირფასო თბილისელებო, თითოეული ხმა არის ძალიან მნიშვნელოვანი, ხელისუფლება, რომელიც გვყავს, რომ არ კადრულობდეს მანიპულაციებს, ჩაყრებს, საერთოდ არცერთი ოპოზიციურად განწყობილი ამომრჩეველი უბნების დახურვამდე რომ აღარ მივიდეს არჩევნებზე, ნორმალურ ვითარებაში, ამ არჩევნებს ბატონი კალაძე მაინც წააგებს. მაგრამ, ვინაიდან ისინი მიმართავენ მანიპულაციებს, ბოლომდე ვიბრძვით თითოეული ხმის დასაცავად. ამისათვის საჭიროა კიდევ უფრო მეტი აქტიურობა, რომ ვერანაირი გავლენა ვერ ჰპოვოს მათმა მანიპულაციებმა საბოლოო შედეგზე.

ეს არის ისტორიული დღე, დღეს ჩვენ ვწერთ ისტორიას, დღეს ვიგებთ თბილისს, პირველად ისტორიაში კოალიციური გუნდი იმარჯვებს თბილისში და არა მხოლოდ თბილისში", - თქვა ნიკა მელიამ.