ლიეტუვამ ბელარუსის ტერიტორიიდან მიგრანტების დიდი ნაკადის შესაჩერებლად მეზობელი ქვეყნის საზღვარზე კედლის აშენება  დაიწყო.

500-კმ-იანი კედლის ასაგებად ლიეტუვა 152 მლნ ევროს დახარჯავს, საზღვარზე ასევე იგეგმება მავთულხლართების გავლება და სათვალთვალო კამარების დააყენება.  მშენებლობა 2022 წლის სექტემბრისთვის უნდა დასრულდეს.  

მიგრანტების მზარდი რაოდენობის გამო ბელარუსის საზღვართან ზღუდის აღმართვას პოლონეთიც აპირებს. პოლონეთის შინაგან საქმეთა სამინისტრომ უკვე წარადგინა გეგემა ბელარუსის საზღავრზე ფოლადის ღობის აღმართვის შესახებ. შინაგან საქმეთა მინისტრმა მარიუშ კამინსკიმ განაცხადა, რომ 180 კმ-იან ღობეს ექნება რამდენიმე დაცვის ხაზი და აღიჭურვება თანამედროე ელექტრონული მოწყობილობებით - სენსორებითა და დღისა და ღამის ხილვადობის კამერებით.

კედლის ძირითადი ნაწილის სიმაღლე 5,5 მეტრის იქნება, ზემოდან კი დამაგრებული ექნება ეკლიანი მავთულხლართები. პოლონეთის შინაგან საქმეთა მინისტრის თქმით, კედლის მშენებლობა 2022 წლის შუა პერიოდისთვის დასრულდება.

პოლონეთ და ევროკავშირის სხვა ქვეყნები ბელარუსის პრეზიდენტს ალიაქსანდრ ლუკაშენკას კრიზისული რეგიონებიდან ევროკავშირის საზღვრებთან მიგრანტების ორგანიზებულ გადაადგილებაში ადანაშაულებენ. რამდენიმე დღის წინ პოლონეთის ხელისუფლების მონაცემებით, საზღვარი გადაკვეთეს შეიარაღებულმა პირებმა, თუმცა პოლონეთის ძალოვანი სტრუქტურების გამოჩენის შემდეგ უმალვე უკან, ბლარუსში დაბრუნდნენ.