ვითარებასა და მოცემულობაზე თვითონ პატიმარი არის პასუხისმგებელი, -  განაცხადა თბილისის მერმა კახა კალაემ შეკითხვის პაუხად, თუ ვინ იქნება პასუხისმგებელი თუ მიხეილ სააკაშვილის შიმშილობა ფატალურად დასრულდება.

„პირველ რიგში, იმ ვითარებასა და მოცემულობაზე თვითონ პატიმარი არის პასუხისმგებელი. არავის დაუვალდებულებია შიმშილობა“, – განაცხადა კალაძემ საზოგადოებრივი მაუწყებლის ცნობით.

მისი თქმით, საჭიროების შემთხვევაში, მიხეილ სააკაშვილს სათანადო ყურადღება მიექცევა და როგორც ყველა პატიმრის, მისი ჯანმრთელობაც უზრუნველყოფილი იქნება.

„ექიმების ჩარევა თუ იქნება საჭირო, რა თქმა უნდა, როგორც ყველა პატიმრის, მისი ჯანმრთელობაც იქნება უზრუნველყოფილი. პენიტენციური სისტემა მზად არის, ყველანაირი მომსახურეობა გაუწიოს პატიმარს, თუ მას ამის საჭიროება და აუცილებლობა ექნება“, – განაცხადა კახა კალაძემ.