აშშ-ის სააპელაციო სასამართლომ დროებით შეაჩერა პრეზიდენტ ჯო ბაიდენის განკარგულება, რომელიც მსხვილ კომპანიებს ავალდებულებდა თაანშრომლების COVID-19-ის ვაქცინაციას.

სასამართლომ ინიციატივასთან დაკავშირებით აღმოაჩინა სერიოზული საკანონმდებლო და კონსტიტუციური პრობლემები, რის გამოც განკარგულება შეაჩერა და ბაიდენის ადმინისტრაციას პასუხის გასაცემად ვადა ორშაბათამდე.

კანონი, რომელიც იანვრიდან უნდა შესულიყო ძალაში, კერძო კომპანიებს, რომლებსაც 100-ზე მეტი თანამშრომელი ჰყავთ, დასაქმებულების სრულ ვაქცინაციას ან ყოველკვირეულ ტესტირებას ავალდებულებდა.

თეთრმა სახლმა სასამართლოს დადგენილების კომენტირებაზე უარი თქვა, და ყველა შეკითხვა შრომის დეპარტამენტთან გადაამისამართა.

სასამართლომ გადაწყვეტილება რამდენიმე კომპანიის, უფლებადამცველი ორგანიზაციების და ტეხასის, ლუიზინას, მისისიპის, სამხრეთ კაროლინასა და იუტას შტატების ერთობლივი პეტიციის შემდეგ მიიღო.