რუსთავის მე-12 სასჯელაღსრულების დაწესებულებასთან სამხედრო ვერტმფრენი გამოჩნდა. სავარაუდოდ, მიხეილ სააკაშვილის ჰოსპიტალიზაცია მოხდა.

ამასთან, გიული ალასანიმა ჟურნალისტებს უთხრა, რომ მისი შვილის სანახავად არ შეუშვეს, რადგან, ის ციხეში აღარ არის.

"იმიტომ ვერ შევდივარ, რომ აღარ არის იქ, სადღაც გაიყვანეს როგორც ჩანს" - ამის შესახებ საქართველოს მესამე პრეზიდენტის მიხეილ სააკაშვილის დედა გიული ალასანია რუსთავის ციხესთან საუბრობს

თვალწინ აგვართვეს და სადღაც გააქრეს. ფაქტია, რომ ცოტა ხნის წინ გაიყვანეს ბრონირებული მანქანებით და მერე ვერტმფრენში ჩასვეს როგორც ჩანს, - ამბობს გიული ალასანია.

დაუზუსტებელი ინფორმაციით, ვერმტფრენი გორის სამხედრო ჰოსპიტალთან დაეშვება.