თუ მართლა გიჟი არ ხარ და სამოქალაქო დაპირისპირება არ გინდა ქვეყანაში, ეგ კადრები რატომ უნდა დადო, არ მესმის, -განაცხადა გირჩი - მეტი თავისუფლების ლიდერმა, ზურა ჯაფარიძემ პენიტენციური სამსახურის მიერ მე-18 დაწესებულებაში მიხეილ სააკაშვილის შეყვანის კადრების გასაჯაროვების შესახებ.

მისი თქმით,  კადრებით ჩანს, რომ ხელისუფლება იტყუებოდა, როცა ამბობდა, რომ მიხეილ სააკაშვილი გლდანის ციხის კლინიკაში საკუთარი ნებით გადავიდა.

"გამოჩნდა, რომ ტყუილია, როცა იძახდნენ, რომ საკუთარი ნებით გადავიდაო და გამოჩნდა როგორ ექცევიან ყოფილ პრეზიდენტს. საგიჟეთია.. რატომ აკეთებენ ამას, ერთადერთი ახსნა მაქვს - ამ ადამიანს ჰყავს უამრავი მხარდამჭერი, ასობით ათასი ადამიანი, მათ შორის ძალიან გულმხურვალე მხარდამჭერები, რომლებიც ძალიან გამწარდებიან ამ კადრებით. თუ მართლა გიჟი არ ხარ და სამოქალაქო დაპირისპირება არ გინდა ქვეყანაში ან მართლა ვიღაცის დავალებას არ ასრულებ, ეგ კადრები რატომ უნდა დადო, არ მესმის", - ამბობს ჯაფარიძე.