არც შიმშილობას წყვეტს და მკურნალობაც არ მიმდინარეობს. ეს დაწესებულება არ არის საავადმყოფო, - განაცხადა მიხეილ სააკაშვილის პირადმა ექიმმა ნიკოლოზ ყიფშიძემ მესამე პრეზიდენტის მონახულების შემდეგ.

მისი თქმით, მიხეილ სააკაშვილის პრობლემა ჰქონდა წნევასთან დაკავშირებით, თუმცა ამ დროისთვის მდგომარეობა დასტაბილურებულია.

"მქონდა შესაძლებლობა, მენახა პრეზიდენტი. პრეზიდენტს ჰქონდა პრობლემა წნევასთან დაკავშირებით და ამ საღამოს დარეგულირდა, მაგრამ ამის გაგრძელება, ასე მკურნალობა შეუძლებელია. ყოველდღე ვამბობ ამას, მაგრამ საქართველოს მოსახლეობას ეს არ ესმის. ყოველდღე იქნება უარესი და უარესი ასე თუ გაგრძელდა. მაღალი წნევა ჰქონდა დღესაც და გუშინაც, ამჟამად დავასტაბილურეთ, მაგრამ ეს არ ნიშნავს, რომ ხვალ არ იქნება ეს პრობლემა ისევ. ადამიანი შიმშილობს და სჭირდება მკურნალობა. არც შიმშილობას წყვეტს და მკურნალობაც არ მიმდინარეობს. ეს დაწესებულება არ არის საავადმყოფო“, – განაცხადა ნიკოლ ყიფშიძემ.