შავ ზღვაში ნატო-ს წვრთნების საპასუხოდ ჩვენი მანევრების ჩატარება არამიზანშეწონილია, არ არის აუცილებელი სიტუაცუიის გამწვავება, - განაცხადა რუსეთის პრეზიდენტმა ვლადიმირ პუტინმა ტელეარხ "როსია 24"-თან ინტერვიუში.

 „მინდა გითხრათ, რომ თავაცვის სამინისტროში იყო წინადადება, რომ ამ აკვატორიაში დაუგეგმავი წვრთნები ჩაგვეტარებინა, მაგრამ მიმაჩნია, რომ ეს არამიზანშეწონილია და სიტუაციის დამატებით გამწვავების აუცილებლობა არ დგას. ამიტომ რუსეთის თავდაცვის სამინისტრო შემოიფარგლება მხოლოდ თვითმფრინავებისა და ხომალდების წარდგენით“,- განაცხადა ოკუპანტმა პუტინმა.

მან ყურადღება მიაქცია იმას, რომ ამჟამად აშშ და და მისი მოკავშირეები ნატო-ში ატარებენ დაუგეგმავ წვრთნებს შავი ზღვის რეგიონში. „იქ მხოლოდ მძლავრი ხომალდების ჯგუფი არ არის ფორმირებული, ამ წვრთნების დროს აგრეთვე გამოყენებულია ავიაციაც, მათ შორის სტრატეგიული ავიაცია“, - აღნიშნა პუტინმა.  

მისი თქმით, რუსეთისთვის ეს სერიოზული გამოწვევაა.

„გამოყენებულია B-51. ეს საკმაოდ ძველი თვითმფრინავებია მაგრამ საქმე მატარებლებში არ არის, საქმე იმაშია, რომ მათ ბორტზე საბრძოლო სტრატეგიული იარაღია. ეს სერიოზული გამოწვევა ჩვენთვის“, - დასძინა ოკუპანტი ქვეყნის პრეზიდენტმა.