დღეს მარტივი მოცემულობაა, ადამიანი თუ ჯანმრთელია, უნდა მოიყვანონ სხდომაზე, თუ ავად არის, გადაიყვანონ საავადმყოფოში, – განაცხადა  „ნაციონალური მოძრაობის“ წევრმა, თემურ ჯანაშიამ მიხეილ სააკაშვილის სასამართლო პროცესზე დასწრების საკითხთან დაკავშირებით განაცხადა.

„ცხრა წელი „ოცნება“ ჰპირდებოდა ამომრჩეველს, რომ სააკაშვილი წარდგებოდა სასამართლოს წინაშე და აგერ არის სასამართლო. თვითონ ის ფაქტი, რომ საქმე ამდენი ხანია, მიმდინარეობს, ისედაც ეჭვებს ბადებს, რამდენად ობიექტურადაა გამოძიებული. ამაზე ცხრა წელი ვლაპარაკობთ და ყველას შევაწყინეთ თავი ჩემი პიჯაკებით“, – განაცხადა თემურ ჯანაშიამ.

საბიუჯეტო თანხების გაფლანგვის საქმეზე (ე.წ. პიჯაკების საქმე) სასამართლო სხდომა რამდენიმე წუთში უნდა დაიწყოს.

სააკაშვლის სასამართლო პროცესზე დასწრებასთან დაკავშირებით ცოტა ხსნის წინ განცხადება გაავრცელა პენიტენციურმა სამსახურმა, სადაც აღნიშნულია, რომ მიხეილ სააკაშვილს ამ ეტაპზე შეწყვეტილი აქვს მკურნალობის არსებითი ნაწილი, ხოლო სასამართლო პროცესზე გაყვანა და დასწრება წარმოადგენს დამატებით რისკს მისი ჯანმრთელობისთვის.