ვერც ერთი "რობოკოპი", სპეცრაზმელი, პოლიციელი ვერ ჩაახშობს სამართლიან პროტესტს, ეს არის უმარტივესი გასაანალიზებელი, - აცხადებს „ნაციონალური მოძრაობის“ თავმჯდომარე ნიკა მელია.

„არ ვეგებით თქვენს პროვოკაციებს ხომ ხედავთ? თქვენ უნდა დააბრუნოთ მიტაცებული ხელისუფლება, ვინაიდან ისეთი ხაზი გადაკვეთეთ, რომლის გადაკვეთის არც მორალური, არც პოლიტიკური, არც ადამიანური უფლება არ გქონდათ. თქვენ რეალურად რუსეთის ორბიტისკენ კი არ წაიყვანეთ ქვეყნის საგარეო განვითარების კურსი, არამედ უკვე იქ ხართ და გინდათ ხალხიც, ჩვენც, მოსახლეობაც შევეგუოთ ამ მძიმე დანაშაულებრივ ნაბიჯებს, რომელსაც დგამთ. არ მოხდება ხალხო ეს. ვერც ერთი "რობოკოპი", სპეცრაზმელი, პოლიციელი ვერ ჩაახშობს სამართლიან პროტესტს. ეს არის უმარტივესი გასაანალიზებელი. ნუთუ ამას ვერ ხვდებით. მთელი უბედურება ის არის, რომ ხვდებით, მაგრამ თქვენ თავისუფალი ხალხი არ ხართ. არც მართავთ, არც კობახიძის გავრცელებულია ის განცხადება. პუტინის რუსეთის, კრემლის წარმომადგენლები მართავენ მათ პოლიტიკურ, ოლიგარქიულ დღის წესრიგს. ამიტომ, რუბიკონი გადალახულია, უკან დახევა არ იქნება. გინდოდათ, ძალადობრივ ჭაობში ჩაგეთრიათ მოსახლეობის დიდი ნაწილი, არ აგყვებით, მაგრამ მეთოდურად ჩამოგშლით და თქვენც იცით, რომ იშლებით“, - განაცხადა მელიამ.