ირაკლი ღარიბაშვილი არის საქართველოს ერთ-ერთი საუკეთესო პრემიერ-მინისტრი, - განაცხადა საქართველოს პარლამენტის წევრმა, თამარ ტალიაშვილმა ტელეკომპანია "ფორმულას" ჟურნალისტის შეკითხვის საპასუხოდ, იზიარებს თუ არა ივანიშვილის მოსაზრებას, რომ ღარიბაშვილი მისთვის ავტორიტეტი არ არის.

ტალიაშვილის თქმით, ცხადია ივანიშვილის პოზიცია, რომ ღარიბაშვილი ყველაზე წარმატებული პრემიერია.

"ირაკლი ღარიბაშვილი არის საქართველოს ერთ-ერთი საუკეთესო პრემიერ-მინისტრი. მე არ ვიცი თქვენ რა ჩანაწერს მაჩვენებთ, მაგრამ კიდევ ერთხელ ვამბობ, რომ მთავარი არის ის, რომ ირაკლი ღარიბაშვილი, როგორც პრემიერ-მინისტრი, არის ერთერთი ყველაზე წარმატებული პრემიერ-მინისტრი.

საიდან მოვიდა, საერთოდ საპირისპირო არის იმაში ნათქვამი, კიდევ ერთხელ გეუბნებით, აბსოლუტურად ცხადი არის ბატონი ბიძინა ივანიშვილის პოზიცია იმასთან დაკავშირებით, რომ ირაკლი ღარიბაშვილი არის ერთერთი ყველაზე წარმატებული პრემიერმინისტრი საქართველოში" , - ამბობს თამარ ტალიაშვილი

შეგახსენებთ, ბიძინა ივანიშვილმა ბერმუდის სასამართლოსთვის ჩვენების მიცემის დროს, რომელიც შაბათის ფორმულამ მოიპოვა, თქვა, რომ ღარიბაშვილი არ იყო მისთვის ავტორიტეტი.