ავსტრიის ყოფილი კანცლერი სებასტიან კურცი პოლიტიკიდან საბოლოოდ მიდის. იუწყება გამოცემა Kronen Zeitung-ი წყაროზე დაყრდნობით.

„ყოფილი ფედერალური კანცლერი სებასტიან კურცი მალე საბოლოოდ დატოვებს პოლიტიკურ ცხოვრებას. ავსტრიის სახალხო პარტიის ხელმძღვანელის პოსტს დაიკავებს ავსტრიის შინაგან საქმეთა მინისტრი კარლ ნეჰამერი“, - ნათქვამია გამოცემის ინფორმაციაში.

გამოწემა წერს კურცის ნდობით აღჭრვილ პირზე დაყრდნობით, რომ მან პოლიტიკიდან წასვლის გადაწყვეტილება ვაჟის დაბადების შემდეგ მიიღო. კურცსა და მის მეგობარ ქალს ვაჟი 27 ნოემბერს შეეძინათ.

სებასტიან კურცი თანამდებობიდან ოქტომბერში გადადგა. მან შესაბამისი გადაწყვეტილება კორუფციასთან დაკავშირებული ბრალდებების ფონზე მიიღო.

ავსტრიის ანტიკორუფციულმა პროკურატურამ სებასტიან კურცისა და კიდევ 9 პირის საქმის შესწავლა დაიწყო, რომელიც ეხება კორუფციას, უფლებამოსილების ბოროტად გამოყენებას, მოსყიდვასა და ქრთამის აღებას.

საგამოძიებო მოქმედებები მიმდინარეობს ავსტრიის უმსხვილეს ტაბლოიდ Österreich-თან გარიგების საქმეზე, რომელიც გაფორმდა კურცის ჯერ კიდევ კანცლერის პოსტის დაკავებამდე.

მედიის ცნობით, კანცლერის გარემოცვა ეჭვმიტანილია გამოცემა Österreich-ის მოსყიდვაში დადებითი გამოხმაურების მქონე სტატიებისა და გამოკითხვების გამოქვეყნების მიზნით.

იუწყებიან, რომ ეს იყო გეგმის ნაწილი, რომელიც კურცს საშუალებას აძლევდა ჯერ ძალაუფლება აეღო პარტიაში, შემდეგ კი დაეკავებინა კანცლერის თანამდებობა.