ძალიან ბევრ ლიდერს სურს, რომ ჩაერთოს შიმშილობის აქციაში, მათ შორის მეც, მაგრამ ზოგიერთ ჩვენგანს ჯანმრთელობის მდგომარეობა არ უწყობს ხელს - ამის შესახებ ამის შესახებ „ნაციონალური მოძრაობის“ წევრმა, ზაალ უდუმაშვილმა განაცხადა.

ამასთან, მისი თქმით, მოსაგვარებელია სერიოზული ლოჯისტიკური საკითხებიც.

„ძალიან ბევრ ლიდერს სურდა და სურს დღემდე, რომ ჩაერთოს შიმშილობის აქციაში, მათ შორის ჩემი სურვილიც იყო, მაგრამ აქ არის ორი მთავარი რამ. ერთი ის, რომ ზოგიერთ ჩვენგანს ჯანმრთელობის მდგომარეობა არ უწყობს ხელს და მეორე – შიმშილობის აქციის გარდა, კიდევ იქნება სხვა აქციები და ბუნებრივია, ყველამ რომ იშიმშილოს, ფიზიკურად ადამიანური რესურსი ვერ გაწვდება ამას.

ამის გარდა, მოსაგვარებელია სერიოზული ლოჯისტიკური თემები. ასეთი ტიპის აქციებს სერიოზული ორგანიზება სჭირდება და ამ ყველაფერში ლიდერებმა გადავინაწილეთ ფუნქციები, ვინ რას ვაკეთებთ“,- განაცხადა ზაალ უდუმაშვილმა.