ლელოს“ ერთ-ერთი ლიდერი ბადრი ჯაფარიძე ამბობს, რომ მისთვის სადეპუტატო უფლებამოსილების შეწყვეტა აბსურდული გადაწყვეტილება და პოლიტიკური დევნის გაგრძელება იქნება.

„მგონი, ისტორია მეორდება, 90-იანი წლების დასაწყისში ასე შემიწყვიტეს უფლებამოსილება. ვნახოთ, დაველოდოთ კენჭისყრას. მაინტერესებს, კოლეგები, რომლებიც ხმას მისცემენ ამ უკანონო და აბსურდულ გადაწყვეტილებას. კენჭისყრის შემდეგ მოგახსენებთ შემდგომ გეგმებთან დაკავშირებით. რა თქმა უნდა, ეს არის პოლიტიკური დევნის გაგრძელება. ეს უკვე სამ წელიწადზე მეტია, მიმდინარეობს. ჩვენ ვართ მშვიდად, მტკიცედ. დაველოდებით კენჭისყრას. კენჭისყრას დავესწრები სასესიო დარბაზში. დღევანდელ საქართველოში ყველაფერი მოსალოდნელია, შესაბამისად, ეს მოსალოდნელი იყო, რამდენადაც, როგორც ჩანს, პოლიტიკური დევნის შეწყვეტა მათ განზრახული არც ჰქონდათ. ის იგრძნობოდა გადაწყვეტილებაში, რომელიც მოსამართლეს დააწერინეს. ეს არის პოლიტიკური დევნის გაგრძელება“, – განაცხადა ბადრი ჯაფარიძემ.

პარლამენტი ბადრი ჯაფარიძის, ელენე ხოშტარიასა და შალვა ნათელაშვილის სადეპუტატო უფლებამოსილების შეწყვეტის საკითხზე საბოლოო გადაწყვეტილებას დღევანდელ პლენარულ სხდომაზე მიიღებს.