უკრაინის პრეზიდენტი ვოლოდიმირ ზელენსკი ევროპის ლიდერებს მოუწოდებს არ დაუშვან ევროპის დასასრული ზაპოროჟიეს ატომურ ელექტროსადგურზე აფეთქების საფრთხის გამო.

„ევროპამ უნდა გაიღვიძოს. იწვის ევროპის უდიდესი ატომური სადგური, სწორედ ახლა.

რუსული ტანკები ესვრიან ატომურ ბლოკებს. ეს ტანკები აღჭურვილნი არიან თერმოგამოსახულებით, რაც იმას ნიშნავს, რომ იციან რასაც ესვრიან. ისინი ემზადებოდნენ ამისთვის.

მივმართავ ყველას... ვინც იცის სიტყვა ჩერნობილი... რუსეთს უნდა ამის გამეორება, მაგრამ უკვე ექვსჯერ მეტად.

ევროპელებო, გაიღვიძეთ, გთხოვთ. დაელაპარაკეთ თქვენს პოლიტიკოსებს; რუსეთის ჯარი ესვრის ატომურ სადგურს უკრაინაში. ზაპოროჟიეს ატომურ სადგურს...

ყველას ვაფრთხილებთ, არც ერთ სახელმწიფოს არასდროს უსვრია ატომური ენერგობლოკებისთვის.

ეს ხდება პირველად ისტორიაში, კაცობრიობის ისტორიაში. ტერორისტმა სახელმწიფომ მიმართა ბირთვულ ტერორს. რუსი პროპაგანდისტები მსოფლიოს ბირთვული ფერფლით ემუქრებოდნენ. ახლა ეს საფრთხე რეალურია.

რუსი სამხედროები დაუყოვნებლივ უნდა გავაჩეროთ. დაუყვირეთ თქვენს პოლიტიკოსებს: უკრაინა ეს არის 15 ატომური ბლოკი. თუ აფეთქება მოხდება ეს ყველას დასასრული, ევროპის დასასრული იქნება.

ევროპის სასწრფო ქმედებები გააჩერებს მხოლოდ რუსეთის ჯარს.

 არ დაუშვათ ევროპის დაღუპვა ატომური სადგურის აფეთქების შედეგად“, - ამბობს ზელენსკი.