საქართველოს მესამე პრეზიდენტი მიხეილ სააკაშვილი ევროპელ ლიდერებს სპეციალური წერილით მიმართავს და სთხოვს, საქართველოს, უკრაინასა და მოლდოვას ევროკავშირის კანდიდატი ქვეყნის სტატუსი მიანიჭოს.

"ჩემი ღია წერილი ევროკომისიას და ევროპელ ლიდერებს მე ვარ საქართველოს ყოფილი პრეზიდენტი, რომელმაც დაიცვა თავისი ქვეყანა რუსეთის თავდასხმის დროს 2008 წელს. მე გწერთ საქართველოს ციხის საკნიდან, სადაც, როგორც უკრაინის მოქალაქე და პრეზიდენტ ზელენსკის უფროსი მრჩეველი, ვიმყოფები ბრალდებით, რომელსაც Amnesty International „აშკარა პოლიტიკურ შურისძიებას“ უწოდებს. უკრაინის მთავრობამ მრავალჯერ მოითხოვა ჩემი დაბრუნება უკრაინაში. როგორც მოგეხსენებათ, საქართველომ, უკრაინასა და მოლდოვასთან ერთად, განაცხადი გააკეთა ევროკავშირში გაწევრიანებაზე. საქართველოს მთავრობა ძალიან შორს არის დემოკრატიული სტანდარტებისგან. მან ასევე უარი თქვა სოლიდარობა გამოეხატა თავისუფლებისთვის მებრძოლი უკრაინელი ხალხის მიმართ. ჩვენს ხალხს კი ნამდვილად აქვს ევროპული იდენტობა. და მაინც, საქართველოს მთავრობა არ არის ქართველი ხალხი. თაობების და საუკუნეების განმავლობაშიც კი, ჩვენ ვისწრაფოდით დავბრუნებულიყავით ჩვენს ევროპულ ოჯახში. ჩვენ გვყავს ძლიერი სამოქალაქო საზოგადოება და საქართველოს მოქალაქეების 80% მხარს უჭერს ევროკავშირში ინტეგრაციას. მოგიწოდებთ, იხელმძღვანელოთ ჩემი ქართველი ხალხის ხმით, რომელიც ხმამაღლა ისმის მრავალი ათასი ადამიანის მიერ ჩვენს ქუჩებში, და საქართველოს, უკრაინასა და მოლდოვასთან ერთად, მიანიჭოთ ევროკავშირის კანდიდატი ქვეყნის სტატუსი“, - წერს მიხეილ სააკაშვილი