უკრაინისა და რუსეთის დელეგაციების მოლაპარაკებები, რომელიც მანამდე ბელარუსში იმართებოდა, ვიდეოფორმატში გრძელდება.

უკრაინული მედიის ცნობით, ამის შესახებ უკრაინული დელეგაციის წევრმა, უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა და რუსეთის პრეზიდენტის პრესმდივანმა, დმიტრი პესკოვმა დაადასტურეს.

გავრცელებული ინფორმაციის შესახებ "ტვიტერის" პირად გვერდზე დაწერა მიხაილო პოდოლიაკმაც.

"შეიქმნა სპეციალური სამუშაო ქვეჯგუფები. უკრაინის პოზიცია განისაზღვრება უკიდურესად მკაცრი წინა დირექტივებით," - წერს პოდოლიაკი "ტვიტერზე".

პოდოლიაკის თქმით, მოლაპარაკებები უწყვეტ ვიდეოფორმატში გრძელდება.

მედიის ცნობით, უკრაინული მხარე რუსებთან განიხილავს ჰუმანიტარული დერეფნების გაფართოებას, უპირველესად მარიუპოლიდან.