უნდა მიეცეს პრეზიდენტ ზელენსკის საშუალება, მიმართოს საქართველოს პარლამენტს, - ამის შესახებ "მთავარი არხის" ეთერში, უკრაინის რადის ფრაქცია "ხალხის მსახურის" თავმჯდომარემ დავით არახამიამ განაცხადა.

მისი თქმით, საქართველოში უკრაინის ელჩის დაბრუნებასთან დაკავშირებით საუბარი შესაძლოა დაიწყოს მხოლოდ იმ შემთხვევაში, თუ ქვეყანა რუსეთის წინააღმდეგ დაწესებულ სანქციებს შეუერთდება და პრეზიდენტ ზელენსკის მიეცემა შესაძლებლობა, საქართველოს პარლამენტს მიმართოს.

"საქართველო უნდა შეუერთდეს იმ სანქციების პაკეტს, რომელიც დაედო რუსეთს და თუ არ უნდათ ან თუ მტკივნეულია ეკონომიკური თვალსაზრისით ესეც ახსნადია, მაგრამ უბრალოდ ნუ დაეხმარებიან რუსეთის მოქალაქეებს და რუსეთის ბიზნესს, გვერდი აუარონ იმ სანქციებს, რომლებიც დააწესეს მათ ევროკავშირის სხვა ქვეყნებმა...

პრეზიდენტმა ზელენსკიმ მიმართა ყველა ევროპულ პარლამენტს, საქართველოს პარლამენტში არ გამოსულა. ამავრდოულად, ქართული ხელისუფლების პოზიცია უნდა დავიწყოთ იმით, რომ უნდა მიეცეს პრეზიდენტ ზელენსკის საშუალება, მიმართოს საქართველოს პარლამენტს. ეს იქნება კარგი ჩვენება იმისი, რომ ხდება მიმდინარე სიტუაციის გადაფასება", - ამბობს არახამია.