უკრაინის პრეზიდენტი ვოლოდიმირ ზელენსკი ხარკოვის ოლქში სამუშაო ვიზიტით ჩავიდა. ის იმყოფებოდა უკრაინელი სამხედროების პოზიციებზე, დაათვალიერა განადგურებული ინფრასტრუქტურა.

ზელენსკიმ სამხედრო მოსამსახურეებს სახელმწიფო ჯილდოები და საჩუქრები გადასცა.

როგორც უკრაინის პრეზიდენტს ხრკოვის საოლქო-სამხედრო ადმინისტრაციის ხელმძღვანელმა ოლეგ სინეგუბოვმა განუცხადა ხარკოვსა და ოლქში საბრძოლო მოქმედებების შედეგად დანგრეულია 2 229 სახლი.

ზელენსკიმ აღნიშნა, რომ ახალ სახლებში აუცილებელია ბომბსაფარებისა და სამალავების მოწყობა.

სინეგუბოვის თქმით, ამ დროისათვის მტრის მიერ დროებით ოკუპირებულია ოლქის 31 პროცენტი, 5 პროცენტი ოკუპანტებისაგნ გათავისუფლებულია. მისივე თქმით, გათავისუფლებული დასახლებების სრულად შემოწმება, განაღმვითი სამუშაოები და კრიტიკულად მნიშვნელოვანი ინფრასტრუქტურის აღდგენის დაწყება ამ დროისათვის ვერ ხერხდება, რადგან ამ ტერიტორიებზე სროლა ისევ გრძელდება.