"პრეზიდენტის შემთხვევაში სამწუხაროდ ჩვენ ვხედავთ მუდმივ ზიგზაგებს. სულ ცოტახნის წინ საერთაშორისო ასპარეზზე ამ მთავრობას ნამუსს წმენდდა, რომ კარგად იქცევიან უკრაინასთან მიმართებაში და ყველაფერს სწორად აკეთებენ. ამიტომ ჩემთვის, როგორც საქართველოს მოქალაქისთვის არ არის ეს განცხადებები ფასეული", - ასე ეხმაურება "ევროპული საქართველოს" თავმჯდომარე, გიგა ბოკერია ზურაბიშვილის მიერ ქართული ოცნების კრიტიკას.

"ეს მნიშვნელოვანია და უნდა გვახსოვდეს, რომ სულ ცოტა ხნის წინ იგივე სასამართლოზე სრულიად საპირისპიროს იძახდა ეს პრეზიდენტი ანუ მან შეუწყო ხელი იმას, რომ მივედით აქამდე სამწუხაროდ. ახლა მეორეს მხრივ სჯობს გვიან ვიდრე არასდროს თუ ნებისმიერი პოლიტიკური ფიგურა ან ადამიანი სწორ გზაზე დგება, მაგრამ პრეზიდენტის შემთხვევაში სამწუხაროდ ჩვენ ვხედავთ მუდმივ ზიგზაგებს. სულ ცოტა ხნის წინ საერთაშორისო ასპარეზზე ამ მთავრობას ნამუსს წმენდდა, რომ კარგად იქცევიან უკრაინასთან მიმართებაში და ყველაფერს სწორად აკეთებენ. ამიტომ ჩემთვის, როგორც საქართველოს მოქალაქისთვის არ არის ეს განცხადებები ფასეული. ის, რომ ივანიშვილის რეჟიმი ისე ღრმად არის შეტოპილი, ზურაბიშვილსაც კი აქვს დისტანცირების სურვილი, ეს მძიმე ვითარების სიმპტომია, მაგრამ იმისთვის რომ ვნახო როგორც მოქალაქემ, რომ პრეზიდენტი საკუთარი მძიმე წარსული შეცდომების შემდეგ დღეს სწორად აფასებს ვითარებას, უნდა დავინახო მკაფიო, ცხადი და თანმიმდევრული პოზიცია, არა ზიგაზებისა და ვითარების ბუნდავანების შენარჩუნების მცდელობა საერთაშორისო ასპარეზზე.

გაგახსენებთ მის ერთ-ერთ ინტერვიუს, როცა ჰკითხეს საქართველოში არსებულ მოქალაქეების პროტესტზე, იმასთან დაკავშირებით რომ მთავრობა რბილად რომ ვთქვათ არაედკავტურად იქცეოდა, მან უარყო და არასწორი ინფორმაცია უწოდა, ჩვენი მთავრობა იქცევა ზუსტად ისე, როგორც უნდა იქცეოდესო. აი რომ ავიღოთ ეს ორი განცხადება, ისევე როგორც მისი წლინახევრის წინანდელი განცხადება სასამართლოზე, რომ კრიტიკა დაუსაბუთებელიაო, ხომ არ შეიძლება რომ ორივე მართალი იყოს. ადამიანმა უნდა თქვას, რომ აი ეს შემეშალა და ახლა ასეა, მერეც არ შეიძლება რომ ისევ გადათქვას ყველაფერი ორ დღეში", - აცხადებს გიგა ბოკერია.