უკრაინის პრეზიდენტი ვოლოდიმირ ზელენსკი რუსეთის იუნესკო-დან გარიცხვას ითხოვს. მისი თქმით, გაეროს წესდება არ ითვალისწინებს ამ ორგანიზაციის ტერორისტებთან ერთიანობას. ზელენსკი ამის შესახებ ტელეგრამ-არხზე წერს.

მისი თქმით, რუსულმა მხარემ იცოდა, რომ სვიატოჰირსკის ლავრის ტერიტორიაზე არ არსებობდა სამხედრო სამიზნე და იქ თავს აფარებდა 300-მდე შვიდობიანი მოქალაქე, მათ შორის 60 ბავშვი.

„რუსეთია არმიამ დღეს კვლავ განახორციელა დარტყმა  სვიატოჰირსკის ლავრაზე დონეცკის ოლქში. განადგურდა მონასტერი, რომელიც ჯერ კიდევ 1912 წელს აკურთხეს. პირველად ის საბჭოთა ხელისუფლების დროს დაანგრიეს, შემდეგ აღადგინეს. და ახლა ის გადაწვა რუსულმა არმიამ. ამავე კვირაში, ოთხშაბათს, რუსული ჭურვები მოხვდა პირდაპირ ლავრის ბერების კელიებს. ოთხი ადამიანი დაიღუპა, კიდევ - ოთხი მძიმედ დაიჭრა.

უკრაინაში რუსეთის მიერ დამწვარი ყველა ეკლესია, დაბომბილი ყველა სკოლა, დანგრეული მემორიალი ადასტურებს, რომ რუსეთის ადგილი იუნესკოში არ არის. რაზე შეიძლება ვისაუბროთ ბარბაროსულ სახელმწიფოსთან, ტერორისტულ სახელმწიფოსთან?“ - წერს ზელენსკი ტელეგრამ-არხზე.

ეკლესია ხის ხუროთმოძღვრების ძეგლად არის მიჩნეული. ის უკრაინაში ყცელაზე დიდი ხისგან აგებული ტაძარია.