მდინარე სევერსკი დონეცზე გადასასვლელი ხიდები, რომლებიც სევეროდონეცკს უკრაინის ხელისუფლების მიერ კონტროლირებად ტერიტორიას აკავშირებს, დიდი ალბათობით, დანგრეულია. ამის შესახებ ნათქვამია ბრიტანეთის დაზვერვის ყოველდღიურ მიმოხილვაში.

„სავარაუდოდ, უკრაინამ შეძლო თავისი სამხედრო დანაყოფების დიდი ნაწილის გაყვანა, რომლებიც  ქალაქს თავიდანვე იცავდნენ. სიტუაცია უკიდურესად მძიმე რჩება უკრაინის ძალებისა და მშვიდობიანი მოქალაქეებისთვის, რომლებიც მდინარის აღმოსავლეთით არიან დარჩენილები“, - ნათქვამია ინფორმაციაში.

ვინაიდაინ, ხიდები, სავარაუდოდ დანგრეულია, რუსეთს მოუწევს მდინარეზე გადასასვლელის გაყვანა, ან შეტევაზე ფლანგებიდან წასვლა, რათა ტაქტიკური სარგებელი ოპერატიულ უპირატესობად გადააქციოს.

„დონბასში, რუსეთის საბრძოლო ძალები დიდი ალბათობით იმოქმედებენ  სულ უფრო მეტად დაქუცმაცებულ და დაუკომპლექტებულ ჯგუფებში. უკრაინის ხელისუფლების მტკიცებით, ზოგიერთმა რუსულმა ბატალიონის ტაქტიკურმა ჯგუფმა, რომელიც როგორც წესი 600-800 ადამიანისგან შედგება, მხოლოდ 30 ჯარისკაცის შეკრება შეძლო“, - აღნიშნულია ინფორმაციაში.

„რუსეთის ისეთი ძლიერი მხარე, როგორიცაა სატანკო უპირატესობა, ამ გარემოში ნაკლებად აქტუალურია, რაც სავარაუდოდ, წინსვლის ტემპს შეანელებს“, - ნათქვამია დაზვერვის მიმოხილვაში.