რატომ არ ვახსენებ პუტინს... თქვენ რომ ახსენეთ რა მერე? მაგარი კაცი ხართ? - პრემიერ-მინისტრმა, ირაკლი ღარიბაშვილმა დეპუტატ რომან გოცირიძის შეკითხვას უპასუხა.

„რატომ არ ვახსენებ რუსეთის პრეზიდენტის სახელს - პუტინს? რა მერე? რისი მიღწევა გინდათ? რას მოვუტან მაგით ან ქვეყანას, ან ხალხს? ან თქვენთვის რას მოვიტან? რისი ჩვენება გინდათ? თქვენ რომ ახსენეთ, მაგარი კაცი ხართ?... თავს გაწირავენ, ირბენენ სხვა ქვეყნის დროშებით, ღმერთმა ყველას გაუმარჯოს. ყველა ქვეყანას მინდა ვუსურვო მშვიდობა და კეთილდღეობა, მაგრამ მეგობრებო, ჯერ თქვენს ქვეყანაზე იფიქრეთ, ჩვენს სახელმწიფოზე იფიქრეთ. აი, თქვენ რა გაგიკეთებიათ ბატონო რომან. ჩვენმა წინაპრებმა სისხლით მოიტანეს ჩვენი მიწა-წყალი. თქვენ დაკარგეთ, თქვენმა ხელისუფლებამ - კოდორი, ახალგორი, 100-ზე მეტი სოფელი, აღიარებინეთ რუსეთს“ - თქვა ღარიბაშვილმა.

ღარიბაშვილმა კატარის ყოველწლიურ ეკონომიკურ ფორუმზე არ უპასუხა შეკითხვას, ენდობა თუ არა რუსეთის პრეზიდენტს, ვლადიმირ პუტინს. შეკითხვა მას დისკუსიის წამყვანმა, „ბლუმბერგის“ მთავარმა რედაქტორმა ჯონ მიკლტვეიტმა დაუსვა.