საფრანგეთის სახელმწიფო მდივანი ევროპის საკითხებში კლემან ბონი ამბობს, რომ საქართველოს ევროპულ ოჯახში ინტეგრაციისთვის დასავლეთი მოელის ევროპულ ქმედებებს, მათ შორის პოლიტპატიმრების გათავისუფლებას.

კლემან ბონი საქართველოს, უკრაინის და მოლდოვის ევროკავშირის წევრი ქვეყნის კანდიდატის სტატუსის მინიჭების თემაზე სიტყვით გამოვიდა ევროპარლამენტში, სადაც 23-24 ივნისის ევროპული საბჭოს შეხვედრის შესახებ იმსჯელეს.

"საჭირო იქნება იმ განსხვავების გათვალისწინება უკრაინის, საქართველოს და მოლდოვას შემთხვევაში, რომელიც ევროკომისიამ მოგვაწოდა მის რეკომენდაციებში; საქართველომ გამოამჟღავნა ინტერესი ევროპული ინტეგრაციის მიმართ და მისი ევროპული პერსპექტივის აღიარება უდავოდ აუცილებელია, თუმცა სიტუაცია [უკრაინისა და მოლდოვისგან]განსხვავებულია საქართველოს შემთხვევაში. არსებობს საქართველოს მხრიდან გარკვეული ჟესტების მოლოდინი, მათ შორის არის პოლიტიკური პატიმრების გათავისუფლება და სხვა ევროპული ღირებულებების შესაბამისი ქმედებები" - თქვა ფრანგმა პოლიტიკოსმა.

{რადიო თავისუფლების თარგმანი}