ომის შემსაწავლელი ინსტიტუტი (ISW) ვარაუდობს, რომ რუსი ოკუპანტები უახლოეს დღეებში ქალაქ ლისიჩანსკს დაიკავებენ.

ინსტიტუტის ინფორმაციით, რუსეთის საჰაერო თავდაცვის სისტემა აღმოსავლეთ უკრაინაში ზღუდავს უკრაინული უპილოტოების ეფექტიანობას, ამიტომ უკრაინის შეიარაღებულმა ძალებმა შეამცირეს საჰაერო ოპერაციები დღეში 20-30-მდე.

თუმცა უკრაინის სამხედრო-საჰაერო ძალები და საბრძოლო დრონები აქტიურები არიან საომარი მოქმედებების სხვა ზონებში. მათ ბოლო კვირაში რამდენიმე წარმატებული დარტყმა მიაყენეს მტრის სამიზნეებს ხერსონის ოლქში.

რუსულ წყაროებზე დაყრდნობით, ინსტიტუტი იუწყება, რომ „რუსეთის ჯარებს არ ყოფნთ რიცხოვნობა და ძალები, ბრძოლებში წარმატების მისაღწევად“, რუსეთის ხელისუფლება კი აგრძელებს იძულებით ნაწილობრივ მობილიზაციას, რომელიც ხელს უწყობს შეზღუდულ ცვლილებებს, მაგრამ ნეგატიურ გავლენას ახდენს  იძულებით მობილიზებული პირების მორალურ სულისკვეთებასა და დისციპლინაზე.

ISW-ის ძირითადი დასკვნები:

• რუსეთის ჯარი აგრძელებს შტურმს ლისიჩანსკის სამხრეთით და სავარაუდოდ, ქალაქს უახლოეს დღეებში დაიკავებს, მაგრამ დიდი ალბათობით, სევეროდონეცკი-ლისიჩანსკის რაიონზე კონტროლის დამყარებას სწრაფად ვერ შეძლებს.
• ოკუპანტები აგრძელებდნენ შეტევით მოქმედებებს სლავიასნკზე და მიაღწიეს უმნიშვნელო წინსვლას.
• მტერმა გააქტიურა ძალისხმევა უკრაინის ძალების დამაკავშირებელი ხაზის გადაკეტვის მიზნით ბახმუტი-ლისიჩანსკის გზატკეცილზე, თავისი ოპერაციის მარდაჭერისთვის ლისიჩანსკის მიმართულებით.
• რუსეთის ძალები მობილიზებული არიან თავდაცვის ოპერაციაზე სამრეთ ოსის გასწვრივ და სავარაუდოდ მიაღწიეს უმნიშვნელო წარმატებას მიკოლაივის ოლქის საზღვართან.
• რუსეთის ხელისუფლება აგრძლებს ღონისძიებებს ოკუპირებულ ტერიტორიებზე ეკონომიკური ინტეგრაციის მიზნით.