ალბანეთის პრემიერ-მინისტრმა ედი რამამ იმედი გამოთქვა, რომ მისი ქვეყანა  მომდევნო ასწლეულში მაინც გახდება ევროკავშირის წევრი.

ამის შესახებ მან სერბეთისა და ჩრდილოეთ მაკედონიის ლიდერებთან ერთობლივ პრესკონფერენციაზე განაცხადა.

„ჩვენ ვაპირებთ გავაგრძელოთ ჩვენი გზა, ეს არ არის საეჭვო. ვფიქრობ, რომ ჩვენ ვიქნებით ევროკავშირში. ვიმედოვნებ, მომავალ საუკუნეში, ნამდვილად ვიქნებით მომდევნო ასწლეულში“, - განაცხადა რამამ.

მან გამოთქვა იმედგაცრუება, რომ 26 ქვეყანა ერთი წევრი სახელმწიფოს მძევალი აღმოჩნდა და ვერ შეძლო ჩრდილოეთ მაკედონიისა და ალბანეთის გაწევრიანებაზე მოლაპრაკებების დაწყების განბლოკვა. რამამ მოუწოდა ევროკავშირს  შეცვალოს გადაწყვეტილების მიღების პროცესი, რადგან ამჟამინდელი {პროცესი}, მისი თქმით, ევროკავშირისადმი ნდობას ძირს უთხრის.

„ნუ იქნებით მღვდლების კრება, რომელიც განიხილავს ანგელოზებს შორის სექსს, მაშინ როდესაც კონსტანტინოპოლი ნანგრევებად იქცევა“, - განაცხადა ალბანეთის პრემიერმა.

ევროკავშირის ლიდერები და დასავლეთ ბალკანეთის ქვეყნები ხუთშაბათს ვერ შეთანხმდნენ ჩიხიდან გამოსვლაზე ევროკავშირში ჩრდილოეთ მაკედონიისა და ალბანეთის გაწევრიანების გაყინული პროცესთან დაკავშირებით.

23 ივნისს ბრიუსელში გაიმართა ევროკავშირისა და დასავლეთ ბალკანეთის ქვეყნების სამიტი, რომელზეც ალბანეთის, ბოსნია-ჰერცეგოვინის, კოსოვოს, მონტენეგროს, ჩრდილოეთ მაკედონიისა და სერბეთის ლიდერები და მათი ევროპელი კოლეგები მონაწილეობდნენ.

ალბანეთი, მონტენეგრო, ჩრდილოეთ მაკედონია და სერბეთი ევროკავშირის წევრობის კანდიდატი ქვეყნები არიან.