ლუჰანსკის ოლქის სამხედრო სამხარეო ადმინისტრაციის ხელმძღვანელმა სერჰი გაიდაიმ განაცხადა, რომ უკრანულ ძალებს დიდი დანაკარგების გამო სევერდონეცკის დატოვება მოუწევთ. ამის შესახებ მან ტელერახ „დომის“ ეთერში განაცხადა.

როგორც მან აღნიშნა, შერყეულ პოზიციებზე მხოლოდ იმის გამო დარჩენა, რომ უბრალდ იქ იყო, აზრი არ აქვს, რადგან ყოველდღე გაუმაგრებელ ტერიტორიებზე დაღუპულთა რაოდენობა პროპორციულად იზრდება.

ის ამბობს, რომ აქედან გამომდინარე უკრაინელ სამხედროებს, რომლებიც სევეროდონეცკში იმყოფებიან, უბრძანეს გადავიდნენ ახალ პოზიციებზე, ახალ გამარგებულ რაიონებში და იქიდან აწარმოონ საბრძოლო მოქმედებები.

გამოცემა „ცენზორ.ნეტ“-ის რედაქტორი იური ბუტუსოვი, რომელიც სევეროდონეცკში იმყოფებოდა, ადასტურებს ქალაქიდან უკრაინელი სამხედროების უკან დახევას. „ფრონტის იმ მონაკვეთზე, სადაც მე ვიყავი, უკუსვლა დაბომბვის ქვეშ მიმდინარეობდა, მაგრამ უდანაკარგოდ... ჩვენ გამოვედით, მაგრამ აუცილებლად დავბრუნდებით“, - დაწერა ბუტუსოვმა სოციალურ ქსელში.

უკრაინის შეიარაღებული ძალების გენშტაბმა 24 ივნისს, დილით განაცხადა, რომ სევეროდონეცკში ბრძოლები გრძელდება.

ერთ-ერთი ბოლო წერტილი სევერდონეცკში, რომელსაც რუსები ვერ აკონტროლებენ, ქიმიური ქარხანა „აზოტია“. 23 ივნისს გაიდაიმ განაცხადა, რომ სამრეწველო ზონაში განადგურებულია დამცავი ნაგებობები, ამიტომ უკრაინელი სამხედროები, შესაძლოა, სხვა პოზიციებზე გადავიდნენ.