ნორვეგიის დედაქალაქ ოსლოში ღამის კლუბში მომხდარი სროლის შედეგად 2 ადამიანი დაიღუპა, 14 კი დაშავდა. ინფორმაციას Reuters-ი ავრცელებს.

სროლა ქალაქის ცენტრში მდებარე პოპულარულ გეიბარში - London pub-შ მოხდა.

ინციდენტის თვითმხილველი იყო NRK-ის ჟურნალისტი ოლავ რენებერგიც, რომელმაც თქვა, რომ ბარში შესულმა კაცმა ჩანთიდან ამოიღო ცეცხლსასროლი იარაღი და სროლა დაიწყო.

რვა ადამიანი კლინიკაში გადაიყვანეს, ზოგიერთი მათგანი მძიმედ არის დაჭრილი. კიდევ ექვსს კი მსუბუქი ჭრილობები აქვს მიღებული, მათ სამედიცინო დახმარება გადაუდებელი დახმარების განყოფილებაში გაუწიეს.

თავდამსხმელი მომხდარიდან მალევე დააკავეს. თავდასხმის მოტივი ჯერჯერობით უცნობია. პოლიცია ვარაუოდობს, რომ ინციდენტის უკან, შესაძლოა, რამდენიმე ადამიანი იდგეს.

დღეს, 25 ივნისს, ოსლოში პრაიდი იმართება.