ბერძნული მედიის ინფორმაციით, სამართალდამცველებმა მასშტაბური სპეცოპერაციის შედეგად, დააკავეს საქართველოს 13 მოქალაქე, რომლებსაც ბრალი ედებათ ძარცვაში, ქურდობასა და ყაჩაღობაში.

მედიისვე ცნობით. დაკავებულია დაჯგუფების მეთაური "კანონიერი ქურდი", 72 წლის კაკო ბილანიშვილი.

კაკო ბილანიშვილი ავთანდილ ბილანიშვილის, იგივე "კაწროს" მამაა.

ასევე დაკავებულები არიან 33 წლის ბექა ბალახაძე, 31 წლის ლიკა ჟვანია, 26 წლის ზაზა თევზაძე, 38 წლის დავით რუბაშვილი , 30 წლის მიხეილ შანყულაშვილი, 27 წლის ჯემალ ლეჟავა, 32 წლის ლაშა ჯიმშიტაშვილი, 31 წლის ოთარ თხელიძე, 41 წლის რაშიდ მაჰმუდი, 31 წლის გიორგი ჯვარშეიშვილი, 38 წლის შალვა კუხიანიძე, 41 წლის დავით ბარძიმაძე.

მათ მიერ ნაძარცვი ნივთების ღირებულება 434 ათას ევროს აჭარბებს. სულ დადგენილია ძარცვის 47-მდე შემთხვევა.

ჩხრეკისას ამოღებულია ცეცხლსასროლი იარაღი, მათ შორის ადგილობრივი პოლიციელების სახელზე გაფორმებული.

მედიის ინფორმაციით, ნაძარცვის რეალიზაცია ძირითადად ათენში მდებარე ერთ-ერთ ქართულ რესტორანში ხდებოდა, რომლის მფლობელიც ასევე დაპატიმრებულია. დაკავებულთა ნაწილი წარსულში ნასამართლევია, ნაწილი კი საბერძნეთიდან რამდენიმე წლის წინ გააძევეს, თუმცა შეცვლილი გვარით უკან დაბრუნდნენ.