საქართველოში გერმანიის ელჩად პეტერ ფიშერი დაინიშნა
საქართველოში გერმანიის ელჩის თანამდებობაზე ჰუბერტ ქნირშს პეტერ ფიშერი შეცვლის. ამის შესახებ ინფორმაციას ელჩი ფიშერი სოციალურ ქსელში ავრცელებს.
"აგვისტოს ბოლოს მე და მარია გავემგზავრებით თბილისში, სადაც პატივი მექნება, ვიმსახურო საქართველოში გერმანიის ელჩად", - წერს პეტერ ფიშერი.
2018 წლის ივლისიდან პეტერ ფიშერი არაბეთის გაერთიანებულ საამიროებში გერმანიის ელჩი იყო. ის კარიერული დიპლომატია, რომელიც გერმანიის საგარეო საქმეთა სამინისტროში 1986 წლიდან მუშაობს.
ჰუბერტ ქნირში საქართველოში გერმანიის ფედერაციული რესპუბლიკის ელჩის თანამდებობაზე 2018 წელს დაინიშნა.
