Global Finance-მა მსოფლოს მასშტაბით საუკეთესო ციფრული ბანკები გამოავლინა. საქართველოს ბანკი კი საუკეთესო ციფრული შეთავაზების მიმწოდებელ ბანკად დაასახელა ცენტალურ და აღმოსავლეთ ევროპაში. ჯილდოს მინიჭების ერთერთი მთავარი კრიტერიუმი ბანკის მიერ შეთავაზებული საუკეთესო სადეპოზიტო, საბარათე და საინვესტიციო ციფრული პროდუქტები და სერვისები გახდა.

საუკეთესო ციფრული ბანკები შეირჩნენ Global Finance-ის რედაქტორების, ტექნოლოგიებისა და აუთსორსინგის მსოფლიო ლიდერის, Infosys-ის მსოფლიო დონის ჟიურის წევრების მიერ.

„მოხარული ვართ რომ Global Finance- მა მსოფლიო საუკეთესო ციფრულ ბანკებს შორის ჩვენ მიგვიჩნია ცენტრალურ და აღმოსავლეთ ევროპაში საუკეთესო ციფრული შეთავაზების, სადეპოზიტო, საბარათე და საინვესტიციო პროდუქტებისა და სერვისების მიმწოდებლად. ეს ყველაფერი იმ მომხმარებლის დამსახურებაა, ვინც გვირჩევს ჩვენ და გვაძლევს მოტივაციას, არ გავჩერდეთ. ასევე, ამ ყველაფერში დიდი წვლილია თითოეული იმ თანამშრომლის, რომელიც უმენს მომხმარებლის ხმას, დაუღალავად ზრუნავს იმისთვის რომ მის ინტერესებსა და საჭიროებებზე მორგებული პროდუქტი თუ სერვისი შესთავაზოს“,- განაცხადა გიორგი ვახტანგიშვილმა, საქართველოს ბანკის ციფრული საბანკო მომსახურების დეპარტამენტის დირექტორის მოადგილემ.

ინფორმაციისთვის, გამარჯვებული ბანკები გამოვლინდნენ შემდეგი კრიტერიუმების საფუძველზე: მომხმარებელთა მოზიდვისა და ციფრული გამოცდილების სტრატეგიის სიძლიერე, მიმზიდველი ციფრული შეთავაზებები, ციფრული მომხმარებლების ზრდა, პროდუქტის შეთავაზებების ფართო არჩევანი, ციფრული ინიციატივებიდან მიღებული ხელშესახები შედეგები მომხმარებლისთვის, ვებგვერდისა და მობილური აპლიკაციების მოხერხებული ფუნქციონალი და დიზაინი. გამარჯვებული ბანკები შეირჩა აფრიკიდან, აზიის, წყნარი ოკეანის, ცენტრალური და აღმოსავლეთ ევროპის, ლათინური ამერიკის, ახლო აღმოსავლეთის, ჩრდილოეთ ამერიკისა და დასავლეთ ევროპის ქვეყნებიდან.