რუსეთის მიერ ე.წ. რეფერენდუმების ჩატარების გამო, უკრაინა გაეროს უშიშროების საბჭოს სხდომის გამართვას ითხოვს
რუსეთის მიერ ე.წ. რეფერენდუმების ჩატარების გამო, უკრაინამ გაეროს უშიშროების საბჭოს სხდომის გამართვა მოითხოვა. ამის შესახებ უკრაინის საგარეო საქმეთა სამინისტროს ოფიციალური წარმომადგენელი, ოლეგ ნიკოლენკო „ტვიტერში“. წერს.
„უკრაინამ მოითხოვა გაერო-ს უშიშროების საბჭოს სასწრაფო სხდომის გამართვა, რუსეთის მიერ უკრაინის ოკუპირებულ ტერიტორიებზე ცრუ რეფერენდუმების გამართვასთან დაკავშირებით. რუსეთმა პასუხი უნდა აგოს გაერო-ს წესდების დარღვევით უკრაინის საერთაშორისოდ აღიარებული საზღვრების შეცვლის შემდგომი მცდელობებისთვის“, – წერს ნიკოლენკო.
