სალონიკში, 23 წლის ქართველმა 2 საათში 8 შეიარაღებული ძარცვა განახორციელა, ინფორმაციას ამის შესახებ ინფორმაციას ბერძნული მედია ავრცელებს.

ყაჩაღი-რეპერი - ასე მოიხსენიებს ბერძნული მედია ქართველ კაცს, რადგან დაკავებული თავს რეპერად აცხადებდა.

გამოცემის ცნობით, ახალგაზრდა კაცმა, 14 დეკემბერს დასავლეთ სალონიკში ორი საათის განმავლობაში რვა შეიარაღებული ძარცვა განახორციელა.

როგორც მედია იუწყება, 1999 წელს დაბადებული კაცი ციხიდან 4 თვის წინ გამოვიდა.

პროკურატურის ბრძანების შემდეგ, დაკავებულის ვინაობის დამადასტურებელი დეტალები და ფოტოები გასაჯაროვდა. 23 წლის ქართველის წინააღმდეგ აღძრულია სისხლის სამართლის საქმეები: ქურდობა, ძარცვის მცდელობა, დაუმორჩილებლობა, იარაღის უკანონო ტარება და გამოყენება.

გავრცელებული ინფორმაციით, მთლიანი ნაძარცვი დაახლოებით 15 000 ევროს შეადგენს.