„ნაციონალური მოძრაობის“ წევრი ეკა ხერხეულიძე ლევან ხაბეიშვილის მიერ სოციალურ ქსელში გამოქვეყნებულ წერილს ეხმიანება, რომელშიც ყოფილი პრეზიდენტი მიხეილ სააკაშვილი ლევან ხაბეიშვილს პარტიის თავმჯდომარის არჩევნებში გამარჯვებას ულოცავს.

„მეგობრებო, ადრეულ ასაკში უნდა გვესწავლა, რომ პირადი წერილების გამოქვეყნებას ერთი მხარე არ წყვეტს. ორივეს თანხმობაა საჭირო.

თუ მართლა ვწუხვართ ადამიანის ჯანმრთელობის მდგომარეობაზე, გავუფრთხილდეთ, პატივი ვცეთ. თორემ წერილები ყველაზე ბევრი მე მაქვს, არასდროს მიკადრებია გამოქვეყნება, თან დარწმუნებული ვარ, ძალიანაც არ მოგეწონებათ შინაარსი.

აბა, თქვენ იცით…“ – წერს ეკა ხერხეულიძე.