ომის შემსწავლელი ინსტიტუტის ექსპერტები (ISW) აცხადებენ, რო დაჯგუფება „ვაგნერის“ მებრძოლებმა ბახმუტის ადმინისტრაციის შენობა დაიკავეს და რუსეთის ძალები ბახმუტში ქალაქის ცენტრისკენ მიიწევენ.

ინსტიტუტის ანალიტიკოსები ადასტურებენ რუსული წყაროების მონაცემებს, რომ „ვაგნერის“ ძალებმა შეძლეს ბახმუტის საქალაქო საბჭოს ადმინისტრაციული შეობის დაკავება. ანალიტიკოსები ეყრდნობიან კადრებს, რომელშიც ჩანს რუსული დროშა ბახმუტის ადმინისტრაციის შენობის ნანგრევებზე.

ISW-ის ცნობით, 3 აპრილს რუსი სამხედროები განაგძრობდნენ წინსვლას ქალაქის ცენტრში.

„ვაგნერი“, სავარაუდოდ, აგრძელებს მცდელობებს გაამყაროს კონტროლი ბახმუტის ცენტრალურ ნაწილზე და შეეცადოს წინსვლას დასავლეთისკენ ქალაქის მჭიდროდ დასახლებული უბნების გავლით ხრომოვოს მიმართულებით“, - აღნიშნავენ ინსტიტუტში.

ექსპრეტბის თქმით, უკრაინის შეიარაღებული ძალები ადასტურებენ, რომ „ვაგნერელებთან“ ერთად ბახმუტში სულ უფრო აქტიურად მოქმედებენ რუსეთის რეგულარული ჯარები, კერძოდ, საჰაერო-სადესანტო ძალები.

3 აპრილს, „ვაგნერის“ დამფუძნებელმა ევგენი პრიგოჟინმა განაცხადა, რომ რუსეთის ძალებმა ბახმუტი „იურიდიულად დაიკავეს. ამასთან, მან აღიარა, რომ ქალაქის დასავლეთ ნაწილში რჩებიან უკრაინული დანაყოფები.

ამავე დროს, უკრაინის შეიარაღებული ძალების აღმოსავლეთ ჯგუფის წარმომადგენელი სერგეი ჩერევატი აცხადებს, რომ რუსეთის ძალები შორს არიან იმისგან, რომ ქალაქი ბახმუტი დაიკავონ, მისი თქმით, ადმინისტრაციული შენობის გარშემო სასტიკი ბრძოლები მიმდინარეობს.