დაჯგუფება ვაგნერის“ დამფუძნებელი ევგენი პრიგოჟინი აცხადებს, რომ მისი მებრძოლები 10 მაისს ბახმუტს დატოვებენ.

„გამყავს ვაგნერის“ ქვედანაყოფები ბახმუტიდან, რადგან საბრძოლო მასალების ნაკლებობის გამო ისინი განწირული არიან უაზრო სიკვდილისთვის“,-ნათქვამია პრიგოჟინის პრესსამსახურის მიერ გავრცელებულ განცხადებაში.

მანამდე პრიგოჟინმა გამოაქვეყნა ვიდეო, ცხედრების ფონზე და რუსეთის თავდაცვის მინისტრს, სერგეი შოიგუსა და გენშტაბის უფროსს ვალერი გერასიმოვს მიმართა.

„ვაგნერის“ ხელმძღვანელის თქმით, მებრძოლები შეიარაღების 70-პროცენტიან ნაკლებობას განიცდიან.

„ესენი არიან „ვაგნერის“ ბიჭები, რომლებიც დღეს დაიღუპნენ. მომისმინეთ, ნაბიჭვრებო, ისინი ვიღაცის მამები და ქმრები არიან. ის ნაბიჭვრები, რომლებიც არ გვაძლევენ შეიარაღებას, ჯოჯოხეთში თავიანთ ნარჩენებს დაღრღნიან. საბრძოლო მასალის 70-პროცენტიანი დეფიციტი გვაქვს. შოიგუ, გერასიმოვ, სად ჯანდაბაშია საბრძოლო მასალა? შეხედეთ მათ. ჩვეულებრივი რაოდენობის საბრძოლო მასალას თუ მოგვცემთ, მათი რაოდენობა ხუთჯერ ნაკლები იქნება“, – განაცხადა ევგენი პრიგოჟინმა.