ნატო-ს სამიტის შედეგები კარგია, მაგრამ მოწვევა იდეალური იქნებოდა, - ამის შესახებ უკრაინის პრეზიდენტმა ვოლოდიმირ ზელენსკიმ ვილნიუსში პრესკონფერენციაზე განაცხადა.

გუსინ, ნატო-ს ქვეყნების ლიდრებმა ვილნიუსის სამიტზე განაცხადეს, რომ უკრაინა გახდება ნატო-ს წევრი MAP-ის გარეშე, ანუ მას აღარ დასჭირდება გრძელვადიანი ე.წ. კანდიდატის „სამოქმედო გეგმა“.  ამასთან, ალიანსის ლიდერებს არ დაუსახელებიათ ვადები და არ ყოფილა ოფიციალურად უკრაინის მიწვევა ნატო-ში, რასაც ზელენსკი იმედოვნებდა.

„არავის უნდა მსოფლიო ომი და ეს ჩვენ გვესმის{...} ჩვენ ცივილიზებული ხალხი ვართ, ცხადია, რომ ჩვენ ვერ გავხდებით ნატო-ს წევრები, ვიდრე ომი მიმდინარეობს“, -განაცხადა ზელენსკიმ.

ამასთან, მან აღნიშნა, რომ ლიეტუვის დედაქალაქში დღეს კიდევ ერთ მნიშვნელოვან სიგნალს ელოდება.

„დღეს კიდევ  ერთ მნიშვნელოვან სიგნალს ველით. თუ დღეს „დიდი შვიდეული“ შეთანხმდება უსაფრთხოების გარანტიების შესახებ დეკლარაციაზე, იტყვის, რომ გარანტიები შენარჩუნდება ვიდრე ნატოსკენ მიმავალ გზაზე ვართ […] ეს ჩვენთვის მნიშვნელოვანი ნაბიჯი იქნება“, - განაცხადა ზელენსკიმ.